Hólmbert Aron Friðjónsson hefur gengið frá samningi við SC Preußen Münster í Þýskalandi. Þetta var staðfest í gær.
Samkvæmt upplýsingum sem 433.is hefur fengið gerði Hólmbert tveggja ára samning.
Hólmbert var án félags eftir að hafa yfirgefið Holstein Kiel í sumar þegar samningur hans tók enda.
SC Preußen Münster leikur í næst efstu deild Þýskalands en þar var Hólmbert einnig með Holstein Kiel og gerði vel.
Framherjinn stóri og stæðilegi hefur skoðað kosti sína í sumar og samdi að lokum við SC Preußen Münster.
Hólmbert var orðaður við KR og Víking hér á landi en hafði ekki áhuga á því að koma heima á þessum tímapunkti.
Hólmbert er 31 árs gamall en hann var hjá Holstein Kiel í þrjú ár en áður var hann hjá Brescia á Ítalíu en hann hefur einnig leikið í Skotlandi, Danmörku og Noregi á ferli sínum.
