Manuel Ugarte verður ekki með leikheimild hjá Manchester United þegar liðið mætir Liverpool á sunnudag. Sky Sports segir frá.
United tókst ekki að klára alla pappíra fyrir klukkan 11:00 í dag.
Enska úrvalsdeildin er með reglur um að skrá þurfi leikmenn fyrir hádegi á föstudegi svo þeir séu leikfærir um helgina.
Ugarte er að koma til United frá PSG en félagið borgar 42 milljónir punda fyrir miðjumanninn.
Ugarte hefur klárað læknisskoðun en ekki tókst að klára alla pappíra og því eru rúmar tvær vikur í fyrsta leik Ugarte fyrir United.