Enzo Maresca stjóri Chelsea segir að leikmenn sem hann vill ekki hafa muni ekki spila eina mínútu í vetur ef þeir fara ekki.

Um er að ræða fjölda af leikmönnum en þar á meðal eru Raheem Sterling og Ben Chilwell sem nýr stjóri vill burt.

Þessir leikmenn fá ekki lengur að æfa með Chelsea og eru settir til hliðar þar sem þeir æfa einir.

„Þeir sem æfa ekki með okkur eru leikmenn sem verða ekki mað og fá ekki eina einustu mínútu,“ segir Maresca.

„Ég veit ekki hvað gerist, þegar glugginn lokar sjáum við hver af þeim verður hérna.“

„Það eru bara leikmenn sem spila hjá mér sem ég tel að geti hjálpað okkur.“