Ralph Rangnick fyrrum þjálfari Manchester United hafði sterka skoðun á ástandinu í félaginu þegar hann tók tímabundið við liðinu.
Rangnick vildi losna við nokkra leikmenn og fékk eitthvað af því í gegn. Hann taldi að United ætti ekki að gera nýja samning við Paul Pogba og Edinson Cavani.
Báðir fóru frítt frá United á sama tíma og Rangnick hætti hjá félaginu sumarið 2022.
Rangnick vildi einnig losna við Anthony Martial og lánaði hann til Sevilla en hann taldi Martial algjöran fýlupúka sem myndi skemma út frá sér.
Martial fór frá United í vor þegar samningur hans rann út og hefur franska framherjanum ekki tekist að finna sér nýja vinnu.
Martial hefur verið orðaður við Lille og Atalanta en ekkert hefur gerst og er fýlupúkinn því áfram atvinnulaus.