Vinstra megin á myndinni hér að ofan má sjá Bill í hlutverki sínu í þáttunum Clark sem komu út á Netflix árið 2022 og til hægri er mynd af honum í The Crow sem frumsýnd var á dögunum.
Myndin segir frá kærustuparinu Eric og Shelly sem eru myrt á hrottafenginn hátt og leit Erics að hefndum eftir dauða sinn í hinu jarðneska lífi.
Í samtali við Variety segir Skarsgård, sem líklega er þekktastur fyrir að leika trúðinn Pennywise í IT-myndunum, segir hann að breytt mataræði og mikil viðvera í ræktinni hafi verið lykillinn að breytingunni.
„Ég var búinn að vera nokkuð duglegur í ræktinni en ég og einkaþjálfarinn minn ákváðum að þyngja mig aðeins, en samt án þess að gera mig of stóran,“ sagði hann og bætti við að hann hafi borðað mikið af prótíni og stundað lyftingarnar grimmt í ræktinni.
Leikstjóri myndarinnar, Rupert Sanders, segir að mataræði leikarans hafi að miklu leyti samanstaðið af „beef tartare“ og hráum eggjum. Þá hafi leikarinn haldið sig frá sykri, áfengi og öðrum óhöllum matvörum meðan að á tökum stóð. Þessi vinna virðist hafa skilað sér svo um munar eins og sjá má.