Hertha Berlin hefur staðfest kaupin á landsliðsmanninum Jóni Degi Þorsteinssyni. Kantmaðurinn knái kemur frá Leuven, en hann hefur verið orðaður við nokkur félög í sumar.
Jón Dagur er 25 ára gamall og gerir hann þriggja ára samning við Hertha, sem spilar í þýsku B-deildinni.
„Ég er svo stoltur og glaður yfir að vera kominn hingað. Á þessum tímapunkti ferilsins gat ég ekki sagt nei við svo stórt félag. Nú er mitt helsta markmið að koma Hertha aftur í efstu deild,“ sagði Jón Dagur eftir undirskrift.
Jón Dagur kom að 31 marki á tveimur árum hjá Leuven, en þar áður spilaði hann með AGF og Vendyssel í Danmörku. Ungur að árum var hann þá í röðum enska liðsins Fulham.
Jón Dagur #Thorsteinsson spielt ab sofort mit unserer Fahne auf der Brust! 🔵⚪️ Der 25-Jährige wechselt von @OHLeuven an die Spree. Herzlich willkommen, Jón! 🫶https://t.co/Aq1l0J7di6 👈#HaHoHe pic.twitter.com/sTOkqUgrlF
— Hertha BSC (@HerthaBSC) August 27, 2024