Svo virðist sem mistök hafi verið gerð í forritun og varð það til þess að sætin voru seld á spottprís. Qantas hefur nú boðið kaupendunum endurgreiðslu eða miða á viðskiptafarrými í staðinn fyrir miðana á fyrsta farrými.
Um flug á milli Ástralíu og Bandaríkjanna er að ræða og voru miðarnir seldir með allt að 85% afslætti.
Átta klukkustundir liðu þar til mistökin uppgötvuðust og náðu 300 manns að nýta sér þetta ótrúlega verð.
Margir töldu sig hafa dottið í lukkupottinn með að geta keypt miða á fyrsta farrými fyrir lítið fé. Miðar á fyrsta farrými veita aðgang að betri stofum á flugvöllum, kampavín, stórt sæti og svefnaðstöðu um borð í flugvélunum og fleira sem farþegum á almennu farrými stendur ekki til boða.