Manchester United er að tryggja sér undrabarn sem ber heitið Sekou Kone en fáir hafa heyrt um þennan ágæta leikmann.
Það eru fjölmargir miðlar sem greina frá þessu og þar á meðal blaðamaðurinn Fabrizio Romano.
Kone er aðeins 18 ára gamall en hann er á mála hjá liði sem heitir Guidars FC og spilar í heimalandinu, Malí.
Kone þykir vera gríðarlega efnilegur og er talinn einn sá allra efnilegasti í Afríku – hann hefur spilað 12 landsleiki fyrir yngri landsliðin.
Kone er miðjumaður og er líkt við fyrrum leikmann Manchester City, Yaya Toure, en hann myndi líklega byrja á því að spila með varaliði félagsins.