Leikarinn Jon Voight, 85 ára, sést sjaldan opinberlega en var myndaður á dögunum borða ís með ungri konu. News.com.au birtir myndirnar.
Hann hefur ekki sést á almannafæri síðan erlendir miðlar greindu frá því að leikkonan og dóttir hans, Angelina Jolie, væri búin að loka á hann og öll samskipti við hann.
„Þrátt fyrir að hafa reynt að ná sáttum þá hefur hegðun Jon orðið til þess að Angie hefur lokað á hann aftur,“ sagði heimildarmaður OK! Magazine.
„Angie hefur verið mjög skýr um að hún vill ekki að hann tali um einkalíf hennar, en hann er alltaf að segja eitthvað.“
Samband feðginanna hefur verið slæmt í mörg ár en versnaði í kjölfar átakanna í Gaza. Jon Voight styður Ísrael á meðan Angelina Jolie, sem hefur lengi verið baráttukona fyrir flóttafólk, styður Palestínu og stendur með fólkinu á Gaza. Voight er einnig mikill stuðningsmaður Donald Trump.
Jon Voight sagði dóttur sína hafa „orðið fyrir áróðri“ í viðtali við Variety í síðasta mánuði.
Heimildarmaður náinn Jolie sagði að „Angelina vill honum vel en talar ekki um hann opinberlega.“