Fjöldi sparkspekinga í kringum ensku úrvalsdeildina mættu á fund yfirmanns dómaramála og rekstrarstjóra ensku úrvalsdeildarinnar í sumar.
Um var að ræða fjarfundfund þar sem farið var yfir nýjar áherslur í dómgæslu og þá sérstaklega VAR. Vilja yfirmenn deildarinnar að spekingar og lýsendur stærstu sjónvarpsstöðva Englands séu með hlutina á hreinu á þessari leiktíð.
Yfir 70 spekingar frá Sky Sports, TNT og BBC mættu á fundinn, þar á meðal voru menn eins og Gary Neville og Alan Shearer.
Fundur sem þessi er haldinn með knattspyrnustjórum ár hvert en þetta var í fyrsta sinn sem sparkspekingum er boðið á slíkan fund.