Í byrjun ágúst skýrðu indverskir fjölmiðlar frá sjálfsvígi 21 árs manns í bænum. Það er ekki sjaldgæft að fólk taki líf sitt á Indlandi en það sem gerði einmitt þetta sjálfsvíg að fréttaefni var að það var enn einn atburðurinn tengdur slæmri þróun í indverska demantaiðnaðinum vegna viðskiptabanns og refsiaðgerða Vesturlanda gegn rússneska demantaiðnaðinum.
Indverjar eru stærstu útflytjendur demanta í heiminum og Rússland er stærsta framleiðslulandið. Indverski demantaiðnaðurinn er algjörlega háður innflutningi frá Rússlandi. 9 af hverjum 10 demöntum á heimsmarkaðnum eru skornir, slípaðir og pússaðir í Surat. Demantar og vefnaðarvöruframleiðsla eru það sem heldur borginni og héraðinu á lífi.
Rússneskir demantar eru ráðandi á heimsmarkaðnum. Talið er að rússneska ríkisfyrirtækið Alrosa standi sjái heimsmarkaðnum fyrir 35% af öllum demöntum þegar ástandið er eðlilegt og að fyrirtækið eigi um 40% þeirra demanta sem til eru á lager.
Stéttarfélag þeirra sem starfa í demantaiðnaðinum í Surrat telur að tvær milljónir íbúa í og við borgina lifi hafi lifibrauð sitt af demöntum á einn eða annan hátt en störfin í iðnaðinum eru mjög sérhæfð og iðnaðurinn er mjög ógegnsær.
Nú eru 50.000 af þessum starfsmönnum atvinnulausir eða hafa lækkað mikið í launum vegna refsiaðgerðanna. Talsmaður stéttarfélagsins sagði að sjálfsvíg 21 árs mannsins hafi ekki verið það fyrsta meðal starfsmanna í demantaiðnaðinum vegna refsiaðgerðanna. Hann sagði að á sjötta tug hafi tekið eigið líf. Fyrrgreindi ungi maðurinn skildi eftir sig kveðjubréf þar sem hann sagði að ákvörðun hans væri til komin vegna stöðunnar í demantaiðnaðinum. Hann fengi ekki næga vinnu og hefði lent í fjárhagsvanda.