Thiago Silva, fyrrum fyrirliði Chelsea, virtist skjóta á dómarann Anthony Taylor eftir tap liðsins gegn Manchester City í gær.
City vann leikinn 0-2 í fyrstu umferð ensku úrvalsdeildarinnar, en Chelsea vildi fá víti í leiknum eftir að boltinn fór í höndina á Mateo Kovacic. Taylor dæmdi hins vegar ekkert og skömmu síðar skoraði króatíski miðjumaðurinn annað mark City gegn sínum fyrrum félögum.
„Anthonyyyyyyyyyyyyyy,“ skrifaði Silva á Instagram eftir leik undir færslu um atvikið. Þá lét hann fylgja nokkur vel valin tjákn (e. emoji).
Silva yfirgaf Chelsea í sumar og hélt til heimalandsins, Brasilíu.