Það gefur vel í aðra hönd að stýra stóru fyrirtæki eins og upplýsingar úr álagningarskrá ríkisskattstjóra fyrir árið 2023 sýnir. DV kannaði laun forstjóra nokkurra helstu fyrirtækja landsins og þar kemur ýmislegt athyglisvert í ljós.

Um er að ræða alls 55 stjórnendur og launahæstur þeirra í fyrra var Ásgeir Helgi Reykfjörð Gylfason með 13.232.082 krónur á mánuði. Hann er forstjóri SKEL, fjárfestingarfélags sem á meðal annars Orkuna og ráðandi hlut í fyrirtækjum eins og Lyfjaval og Heimkaup. Þá á félagið hlut í fasteignafélaginu Kaldalóni og fjármálafyrirtækinu Skagi svo eitthvað sé nefnt. Ásgeir er bróðir Þórdísar Kolbrúnar Reykfjörð Gylfadóttur sem er utanríkisráðherra.

Næstur á blaði er Árni Sigurðsson, forstjóri Marel, með 12.155.270 krónur á mánuði. Árni tók við starfinu síðla árs 2023 eftir að Árni Oddur Þórðarson lét af störfum. Árni var áður aðstoðarforstjóri fyrirtækisins og yfirmaður tekjusviða.

Í þriðja sætinu á listanum er Kári Stefánsson, forstjóri Íslenskrar erfðagreiningar, en mánaðarlaun hans í fyrra námu 10.843.743 krónum. Grímur Sæmundsen, forstjóri Bláa lónsins, var með 10.629.433 krónur og Helga Árnadóttir framkvæmdastjóri Bláa lónsins var með 3.367.980 krónur. Mikið hefur mætt á stjórnendum Bláa lónsins í jarðhræringunum á Reykjanesskaganum síðustu mánuði.

Athygli er vakin á því að listinn er ekki tæmandi yfir stærstu fyrirtækin og kann vel að vera að aðrir sem ekki eru á listanum séu með hærri tekjur. Til að mynda fundust ekki upplýsingar um tekjur Róberts Wessman þar sem hann er skráður með lögheimili erlendis.  Ásgeir, Árni, Kári og Grímur eru þeir einu á lista DV sem voru með yfir 10 milljónir á mánuði í fyrra en aðrir höfðu það einnig býsna gott.

Eldur Ólafsson, forstjóri auðlindafyrirtækisins Amaraq, var með 8.918.365 krónur á mánuði í fyrra. Fyrirtækið hefur meðal annars einbeitt sér að gullvinnslu á Grænlandi með góðum árangri.

Rannveig Rist, forstjóri Rio Tinto Alcan á Íslandi, var með 8.674.683 krónur á mánuði í fyrra. Rannveig er öllum hnútum kunnug í Straumsvík enda hefur hún verið forstjóri fyrirtækisins frá árinu 1997.

Halldór Benjamín Þorbergsson, forstjóri Heimar og fyrrverandi framkvæmdastjóri Samtaka atvinnulífsins, var með 8.629.529 krónur á mánuði í fyrra. Heimar hétu áður Reginn en um er að ræða eitt stærsta fasteignafélag landsins. Halldór tók við starfinu í maí í fyrra.

Tekjuhæstu forstjórarnir:

1. Ásgeir Helgi Gylfason Reykfjörð, forstjóri Skel, 13231.082 kr.
2. Árni Sigurðsson, forstjóri Marel, 12.155.270
3. Kári Stefánsson, forstjóri Ísl. erfðagreiningar, 10.843.743
4. Grímur Sæmundsen, forstjóri Bláa Lónsins, 10.629.433
5. Eldur Ólafsson, forstjóri Amaraq, 8.918.265
6. Rannveig Rist, forstjóri Rio Tinton Alcan á Íslandi, 8.674.683
7. Halldór Benjamín Þorbergsson, forstjóri Heimar, 8.629.529
8. Úlfar Steindórsson, forstjóri Toyota, 7.438.351
9. Jón Sigurðsson, forstjóri Stoða, 6.932.053
10. Guðbjörg Heiða Guðmundsdóttir, Forstjóri Varðar, 6.542.074
11. Orri Hauksson, fyrrv. forstjóri Símans, 6.206.987
12. Þorsteinn Már Baldvinsson, forstjóri Samherja, 6.187.174
13. Árni Stefánsson, forstjóri Húsasmiðjunnar, 5.744.879
14. Benedikt Gíslason, bankastjóri Arion banka, 5.592.706
15. Jón Þórir Frantzson, forstjóri Íslenska gámafélagsins, 5.591.519
16. Finnur Oddsson, forstjóri Haga, 5.538.256
17. Gunnþór Ingvason, forstjóri Síldarvinnslunnar, 5.497.743
18. Ásta Sigríður Fjeldsted, forstjóri Festi, 5.464.747
19. Andri Þór Guðmundsson, forstjóri Ölgerðarinnar, 5.283.616
20. Kristján Loftsson, forstjóri Hvals, 5.206.379
21. Stefán Friðriksson, forstjóri Ísfélags Vestmannaeyja, 5.055.377
22. Bogi Nils Bogason, forstjóri Icelandair Group, 4.770.442
23. Erna Gísladóttir, forstjóri BL, 4.697.601
24. Sveinn Sölvason, forstjóri Össurar, 6.645.081
25. Steingrímur Birgisson, forstjóri Höldur á Akureyri, 4.640.686
26. Hörður Þórhallsson, forstjóri Icepharma, 4.627.366
27. Garðar Hannes Friðjónsson, forstjóri Eik, 4.473.197
28. Ari Fenger, forstjóri 1912 og form. Viðskiptaráðs, 4.432.336
29. Birkir Hólm Guðnason, forstjóri Samskipa, 4.338.060
30. Vilhelm Már Þorsteinsson, forstjóri Eimskips, 4.268.655
31. Þorvaldur Gissurarson, forstjóri ÞG-verktaka, 4.174.398
32. Steinþór Skúlason, forstjóri SS, 4.164.001
33. Bjarni Ármannsson, forstjóri Icelandic Seafood, 4.162.783
34. Hermann Björnsson, forstjóri Sjóvár, 4.103.731
35. Lilja Björk Einarsdóttir, bankastjóri Landsbankans, 4.101.633
36. Guðný Helga Herbertsdóttir, forstjóri VÍS trygginga, 4.056.100
37. Herdís Dröfn Fjelsted, forstjóri Sýnar, 4.039.360
38. Margrét Björk Tryggvadóttir, forstjóri Nova, 3.842.792
39. Birgir Jónsson, fyrrv.forstjóri Play, 3.823.444
40. Sigurður Brynjar Pálsson, forstjóri Byko, 3.757.217
41. Jón Guðni Ómarsson, bankastjóri Íslandsbanka, 3.701.416
42. Ármann Harri Þorvaldsson, aðstoðarforstjóri Kviku banka, 3.698.961
43. Haraldur I. Þórðarson, forstjóri Fossa markaða hf., 3.586.874
44. Aðalsteinn Ingólfsson, forstjóri Skinney-Þinganes, 3.496.426
45. Jón Þór Gunnarsson, forstjóri Kaldalóns, 3.490.513
46. Katrín Pétursdóttir, forstjóri Lýsis, 3.482.600
47. Ægir Már Þórisson, forstjóri Advania, 3.291.300
48. María Björk Einarsdóttir, forstjóri Símans, 3.137.381
49. Valgeir M. Baldursson, forstjóri Terra, 2.989.810
50. Einar Örn Ólafsson, forstjóri Play, 2.929.750
51. Pálmar Óli Magnússon, forstjóri Daga og stjórnarform. Birtu lífeyrissjóðs, 2.658.570
52. Edda Sif Pind Aradóttir, forstjóri Carbfix, 2.587.475
53. Þorsteinn Pétur Guðjónsson, forstjóri Deloitte á Íslandi, 2.138.600