Þetta kemur fram í færslu lögreglunnar í Árósum í Danmörku á X. Konunni var haldið fanginni í íbúð í borginni frá klukkan 7 á laugardaginn þar til klukkan 13.05. Á þeim tíma eru mennirnir grunaðir um að hafa nauðgað henni og hafi henni verið haldið fastri á meðan.
Ekstra Bladet segir að þegar gæsluvarðhaldskrafan var tekin fyrir hjá dómara í Árósum í gær, hafi túlkur verið til staðar til að túlka frá dönsku yfir á tigrinya og öfugt. Þetta er tungumál sem er talað í Erítreu en mennirnir eru allir þaðan.
Þeir neituðu allir sök og voru að sögn blaðsins rólegir og yfirvegaðir í dómsalnum.
Talsmaður lögreglunnar sagði í samtali við blaðið að þremenningarnir hafi allir komið áður við sögu lögreglunnar. Hann sagði einnig að enn væri leitað að tveimur til viðbótar sem eru grunaðir um aðild að ofbeldinu.