Atburður á borð við þennan er ekkert einsdæmi í Bretlandi að sögn The Guardian sem sagði sögu Hobson nýlega. Samkvæmt upplýsingum frá breska póstinum þá eru 42 bréfberar bitnir af hundum í viku hverri að meðaltali.
2.206 slíkar árásir voru skráðar á síðasta ári og voru 15% fleiri en árið áður en árásunum fjölgaði einnig á milli 2021 og 2022.
Stéttarfélag bréfbera, CWU, segir að á síðustu fimm árum hafi 1.000 bréfberar misst fingur eða hluta fingri þegar þeir voru bitnir af hundum.
Sama þróun hefur átt sér stað í Bandaríkjunum en þar voru 5.800 árásir hunda á bréfbera tilkynntar á síðasta ári. 500 fleiri en árið áður.
Það eru fleiri en bréfberar sem verða fyrir barðinu á hundum því í Englandi og Wales voru um 30.000 hundaárásir tilkynntar á síðasta ári. 5.000 fleiri en árið áður.
Í Bandaríkjunum hefur dauðsföllum af völdum hundaárása farið fjölgandi. 2019 létust 42 en 2022 létust 98.
The Guardian segir að helsta ástæðan fyrir þessari aukningu sé einfaldlega að fólk eigi fleiri hunda en áður. Margir fengu sér hunda á meðan á heimsfaraldri kórónuveirunnar stóð. Til dæmis eru 13,5 milljónir hundar á breskum heimilum í dag en 2020 voru þeir 9 milljónir.
Þegar nýju hundaeigendurnir sneru aftur til vinnu þegar heimsfaraldurinn fjaraði út, þurftu hundarnir að vera einir heima og því eru þeir ekki vanir og það getur brotist út með árásum á fólk.
Einnig getur það haft áhrif að innkaupavenjur fólks breyttust í heimsfaraldrinum. Miklu meiri verslun á sér nú stað á netinu og þar með eru miklu fleiri pakkar sem þarf að keyra út til fólks. Það getur því komið fyrir að bréfberar og sendlar knýi dyra hjá fólki oft á dag. Sumir hundar verða hræddir þegar bankað er á dyrnar og það gæti skýrt atferli þeirra.