Vestri 2 – 0 KR
1-0 Pétur Bjarnason(’20)
2-0 Elmar Atli Garðarsson(’45)
Vestri vann í dag sinn fyrsta leik á heimavelli sínum á Ísafirði en það var gegn stórveldi KR.
Óskar Hrafn Þorvaldsson var að stýra KR í sínum fyrsta leik en honum lauk með 2-0 sigri heimaliðsins.
Pétur Bjarnason og Elmar Atli Garðarsson gerðu mörk Vestra en þau voru bæði skoruð í fyrri hálfleik.
Slæm byrjun fyrir Óskar sem tók nýlega við sem aðalþjálfari KR en hann gerði frábæra hluti með Breiðabliki fyrir ekki svo löngu síðan.
Sigurinn gerir mikið fyrir Vestra sem er í 10. sæti deildarinnar og er þremur stigum á undan HK sem er í fallsæti – HK á þó tvo leiki til góða.