Tottenham hefur staðfest kaup á Wilson Odobert kantmanni Burnley. Kaupverðið er ekki gefið upp.
Odobert er 19 ára gamall en hann gerir fimm ára samning við Tottenham og mun klæðast treyju númer 28.
Odobert byrjaði feril sinn hjá PSG en fór til Troyes árið 2022 en var keyptur til Burnley síðasta sumar.
Odobert varð yngsti leikmaður í sögu Burnley til að skora í ensku úrvalsdeildinni þegar hann var 18 ára gamall.
Odobert spilaði 34 leiki í öllum keppnum í fyrra og skoraði fimm mörk. Odobert er í yngri landsliðum Frakklands.