Hörður Magnússon, einn færasti íþróttalýsandi Íslands hefur kveikt í Arsenal samfélaginu á Íslandi nú þegar enska úrvalsdeildin fer af stað í dag.
Hörður lét ummælin falla í Chess after dark en Hörður hefur ekki trú á því að Arsenal geti orðið enskur meistari.
„Mér finnst Arsenal vanta afgerandi leikmann, fullkomlega afgerandi sem City hefur, Liverpool hefur haft,“ segir Hörður um stöðu mála hjá Arsenal.
Hann segir Arsenal ekki hafa neinn heimsklassa leikmann og það geti reynst dýrkeypt.
„Bukayo Saka er fínn en ekki heimsklassi, Declan Rice er fínn en ekki heimsklassa. Martin Odegaard er mitt á milli, mér finnst hann góður. Martinelli þarf að stíga upp.“
„Við sáum á EM hversu takmarkaður Declan Rice er, 100 milljónir punda fyrir hann er grín.“
Hörður er þó á því að Arsenal hafi sterka vörn en hún vinni ekki endilega titla.
„Þeir eru með bestu vörnina, það er sagt oft að vörn vinni titla. Ég er ekki sammála því, hún er fín með en þegar Arsenal á móti City í fyrra að ná ekki að keyra á það. Spila upp á jafntefli á Ethiad, það vantar meiri hugrekki í Arteta. Ég held að það muni halda áfram.“