Hjörvar Hafliðason, Dr. Football ályktar að Hafrún Kristjánsdóttir, sálfræðingur og deildarstjóri íþróttafræði deildar Háskólans í Reykjavík skilji ekki muninn á fótbolta og öðrum íþróttum.
Hafrún fór mikinn í pistli á Facebook í vikunni. Tilefni pistilsins var framkoma Arnar Gunnlaugssonar, þjálfara Íslandsmeistara Víkings í knattspyrnu, sem brjálaðist í leik liðsins um helgina og var rekinn af velli.
Hafrún var hluti af hópnum í kringum íslenska keppendur sem voru á Ólympíuleikunum þar sem þeir riðu ekki feitum hesti.
„Það sem ég held að hún skilji ekki, stangarstökk, handbolti og annað er ekki fótbolti. Fótbolti er lífsstíll, 99 prósent af öllum samræðum þínum eru um fótbolta. Fótbolti er skepna sem svona fólk skilur ekki,“ segir Hjövar í þætti sínum Dr. Football.
Pistil Hafrúnar má lesa í heild hérna.
Hafrún er nýkomin frá Ólympíuleikunum í París þar sem hún stóð vaktina sem sálfræðingur íslenska hópsins og fylgdist þar með afreksfólki í fjölmörgum íþróttagreinum í miklu návígi. Segir hún að afreksþjálfarar sem þjálfa íþróttamenn í allra fremstu röð hegði sér einfaldlega ekki með þessum hætti.
„Ég var í 25 manna hópi í Eistlandi og það var enginn að fylgjast með Ólympíuleikunum, það er svona eins og ein stóra loopa af EuroSport. Það er ekkert sem þú getur ekki misst af í sjónvarpi,“ sagði Hjörvar um þá keppni
„Ég held að fólk fatti ekki muninn á fótbolta og þeim lífsstíl sem fótbolti er. Þetta er fínn pistill og margt sem menn geta tekið til sín, eins og hörmungar Ólympíuleikarnir fyrir okkur. Anton Sveinn McKee var hátið miðað við annað.“
Hjörvar segir fólk bregðast öðruvísi við þegar eitthvað gerist í fótbolta, þá vilja allir hoppa á vagninn og gagnrýna. „Þetta er Arnari ekki til framdráttar en það er alltaf rifið í eitthvað þegar fótboltinn gerir eitthvað rangt. Þá hoppa allir á vanginn, fótboltinn er allt önnur skepna. Ég hef fengið milljón atvik send af handbolta og körfuboltaþjálfurum gera eitthvað innan sem utan vallar.
