Málefni Jóhanns Berg Guðmundssonar og Vincent Kompany voru til umræðu í þættinum Overlap hjá Sky sem er einn vinsælasti umræðuþáttur í heimi þegar kemur að fótbolta.
Myndband úr nýrri heimildarmynd um Burnley vakti gríðarlega athygli þar sem Kompany urðaði yfir Jóhann Berg sem svaraði honum hressilega.
Kompany er hættur sem þjálfari Burnley en Jóhann Berg hafði ætlað að hætta hjá Burnley en snéri aftur þegar Kompany hætti.
📢MISSION TO BURNLEY S2 SPOLIER 📢
What is your thoughts on the Kompany v Guðmundsson scene? #burnley #burnleyfc #twitterclarets🤯 pic.twitter.com/Sv2hFpJWCY
— Burnley FC Clips (@BurnleyFC_clips) August 11, 2024
„Það var erfitt að horfa á þetta. Hann var reiður yfir einhverju öðru en Guðmundsson gæti verið drengur sem tuðar mikið þó hann hafi ekki gert það þarna. Þegar stjórinn ræðst á hann, til að hrósa honum þá svaraði Jóhann honum vel og sagðist ekki hafa tuðað neitt,“ sagði Ian Wright fyrrum framherji Arsenal um málið og hélt áfram
„Margir segja að þú getir ekki talað svona við leikmenn í dag en það er hægt, ég var ánægður að sjá leikmanninn láta ekki urða yfir sig og svara. Ég var svakalegur tuðari,“ sagði Wright.
Roy Keane sem er umdeildur skaphundur tók þá til máls. „Kompay missti sig. Þetta gerist oft, ímyndið ykkur ef þetta væri ég þá væri ég kallaður risaeðla en aðrir fá að gera þetta. Ef aðrir gera þetta þá er þetta í lagi,“ sagði Keane.
Jamie Carragher fyrrum leikmaður Liverpool segir að það hafi verið erfitt að horfa á þetta. „Þetta var vont. Ég hef kannski séð þetta einu sinin eða tvisvar á ferli mínum,“ sagði Carragher.