Yves Bissouma miðjumaður Tottenham hefur beðist afsökunar á því að hafa tekið hippakrakk en hann tók sjálfur upp myndband af því.

Bissouma er öflugur leikmaður Tottenham en hann segir þetta dómgreindarbrest. Notkun á hippakrakki er sögð mikil á meðal knattspyrnumanna og hefur verið ítrekað fjallað um það.

Hippakrakk er hláturgas sem tekið er inn og segja enskir miðlar að það geti hreinlega orðið til þess að fólk láti lífið.

„Ég vil biðjast afsökunar, ég skil vel að þetta getur verið hættulegt. Ég axla ábyrgð sem fótboltamaður og vil vera fyrirmynd,“ segir Bissouma.

Talsmaður Tottenham staðfestir að félagið sé meðvitað um myndirnar í sem eru í umferð og á málinu verði tekið.

Þetta eru ekki góð tíðindi fyrir Tottenham og Bissouma nú þegar enska úrvalsdeildin hefst næstu helgi.