Manchester United er búið að ná samkomulagi við tvær stjörnur um að ganga í raðir félagsins.
Þetta segir David Ornstein hjá Athletic en um er að ræða tvo leikmenn Bayern Munchen í Þýskalandi.
Miðvörðurinn Matthijs de Ligt verður keyptur á 38 milljónir punda og mun skrifa undir fimm ára samning.
Þessi 24 ára gamli leikmaður á eftir að gangast undir læknisskoðun og í kjölfarið verður krotað undir samninginn.
United er einnig búið að ná samningum við Bayern vegna bakvarðarins Noussair Mazraoui en hann kostar 12 milljónir punda en sú upphæð gæti hækkað í 19 milljónir.
Aaron Wan-Bissaka þarf þó að yfirgefa Old Trafford áður en þau skipti eiga sér stað en hann er á óskalista Crystal Palace og West Ham.