Liverpool hefur ákveðið að selja ungstirni sitt Fabio Carvalho en það er Times sem greinir frá.
Samkvæmt Times er Brentford að kaupa Carvalho fyrir um 27 milljónir punda en sú upphæð gæti hækkað með árunum.
Liverpool fær einnig 17,5 prósent af næsta kaupverði leikmannsins ef hann verður seldur annað í framtíðinni.
Fyrrum félag Carvalho, Fulham, mun einnig græða 20 prósent af kaupverðinu en hann var seldur til Liveprool 2022.
Carvalho spilaði alls 13 deildarleiki fyrir þá rauðklæddu og skoraði tvö mörk – hann var lánaður til Hull seinni hluta síðasta tímabils og stóð sig virkilega vel.