Stórstjarnan sjálf Drake hefur hjálpað Íslendingafélaginu Venezia sem var nálægt því að verða gjaldþrota stuttu eftir að hafa tryggt sér sæti í Serie A á nýjan leik.
Serie A er efsta deild Ítalíu en með liðinu spila þeir Bjarki Steinn Bjarkason og Mikael Egill Ellertsson.
Það er TMZ sem fjallar um málið en Matte Babel er markaðsstjóri Venezia og er einnig hluti af starfsteymi Drake sem er einn frægasti ef ekki frægasti rappari heims.
Drake tók til sinna ráða og hjálpaði Venezia að fá inn fjárfesta sem hafa safnað 31 milljónum punda á stuttum tíma til að hjálpa fjárhagsvandræðum félagsins.
Venezia ætti því að vera í ágætis málum fyrir komnandi tímabil en þetta hafði Babel að segja um stöðuna:
,,Drake útskýrði vandamálið á mjög einfaldan hátt, Venezia þarf að safna tíu milljónum evra á nokkrum vikum og svo 30 milljónum evra á nokkrum mánuðum eða þeir verða gjaldþrota,“ sagði Babel.
,,Venice er ótrúleg borg og félagið hefur alltaf verið sérstakt. Ég ræddi við Drake og Brad Katziuyama[eiganda félagsins] og komst að því hvernig við gætum hjálpað.“
,,Það er ekki hægt að neita fyrir mikilvægi Drake fyrir hvaða knattspyrnufélag sem er í þessari stöðu miðað við hans stærðargráðu og markaðsverð.“
Venezia hefur nýtt peninginn vel og er að styrkja hópinn fyrir veturinn og er einnig að bæta eigið æfingasvæði.