Einhverjir kannast við markvörðinn Gabriel Slonina sem er leikmaður Chelsea á Englandi og hefur verið frá árinu 2022.
Chelsea borgaði um 11 milljónir dollara fyrir Slonina árið 2022 en hann var þá 18 ára gamall hjá Chicago Fire.
Slonina var aðalmarkvörður Chicago sem leikur í MLS-deildinni og var talað um að næsta undrabarn Bandaríkjanna væri að stíga sín fyrstu skref.
Það hefur þó lítið gengið hjá Slonina undanfarin tvö ár en hann lék fyrst með Chicago á láni og svo Eupen í Belgíu.
Nú hefur þessi tvítugi strákur samið við Barnsley á Englandi en það lið leikur í þriðju efstu deild.
Slonina gerir lánssamning við Barnsley en hann á að baki einn landsleik fyrir aðallið Bandaríkjanna.