Rithöfundurinn Robert Jobson sem hefur helgað sig málefnum bresku konungsfjölskyldunnar segir að hertogaynjan, Meghan Markle, hafi fengið áfall þegar hún komst að því að Harry Bretaprins þótti ekkert sérstaklega mikilvægur konunglegu fjölskyldunni. Þegar hún heimsótti höllina fyrst með honum eftir að þau tóku saman árið 2016 hafi henni virst sem að Harry væri óvinsælasti fjölskyldumeðlimurinn.
Jobson skrifar í nýrri bók sinni: „Þegar þau fóru til að fá sér drykk í íbúð Vilhjálms og Katrínar í höllinni þá varð hún víst slegin yfir þessum muni milli bræðranna. Meghan áttaði sig á því að Vilhjálmur var hærri Harry í goggunarröðinni þar sem hann er krónprins, en hún taldi að þar sem Harry var líka konunglegur prins, þá ætti hann skilið meiri veraldleg gæði.“
Jobson segir að þessi stigsmunur hafi farið í taugarnar á henni. Harry hafi líka skammast sín þegar hún heimsótti heimili hans í Bretlandi þar sem honum þótti nýbýlið ekki sæma prins.
Harry skrifaði í endurminningum sínum að hann hafi verið spenntur að fá Meghan fyrst í heimsókn eftir að þau tóku saman, en þá bjóð hann í konunglegu húsnæði sem kallast Nottingham Cottage við Kengsington höll. Nottingham kotið er lítið þriggja herbergja kot með bara einu baðherbergi.
„Ég var spenntur að taka á móti Meghan á heimili mínu, en ég skammaðist mín líka. Nott Cott er engin höll“
Eftir að Meghan og Harry giftu sig gaf Elísabet drottning þeim nýtt heimili, Frogmore kotið sem er töluvert stærra, með fimm svefnherbergi. Hjónin eyddi svo rúmlega 400 milljónum í að gera kotið upp áður en þau fluttu inn. Þau bjuggu þó ekki lengi í kotinu. Þau giftu sig árið 2018 en árið 2020 stungu þau af frá Bretlandi til að hefja nýtt líf í Bandaríkjunum. Síðan þá hefur kotið staðið autt.
Jobson segir að fleira hafi farið í taugarnar á Meghan við goggunarröðina í höllinni. Til dæmis hafi hún ekki mátt nota alla konunglegu skartgripina sem hún vildi.
Annar rithöfundur sem skrifar um bresku konungsfjölskylduna, Angela Levin, greindi frá því á dögunum að Meghan hafi trompast eftir nýlegt viðtal við hertogahjónin. Viðtalið birtist á CBS um helgina og þar ætluðu hjónin að ræða um hættur netsins og um góðgerðarstarfsemi sína. Meghan var þá óvænt spurð út sjálfsvígshugsanir sem hún hefur sagst hafa glímt við þegar hún bjó í höllinni. Meghan hafi komist í mikið uppnám við þessa spurningu, enda ekki samþykkt hana fyrirfram. Eftir að viðtalinu lauk hafi hún látið óánægju sína í ljós.
„Þegar viðtalinu lauk þá öskraði hún víst á tökuliðið og var virkilega reið yfir þessari spurningu. Það má ekki gera svona hvað Meghan varðar því hún þarf alltaf að hafa stjórnina. Maður gat augljóslega séð að hún varð brjáluð og átti erfitt með að halda aftur að reiðinni.“
Sérfræðingar í líkamstjáningu hafa greint viðtalið og telja að spenna ríki milli hjónanna. Harry virtist leiðast og ekki vera með athyglina við viðtalið. Meghan hafi verið köld gagnvart manni sínum og virtist fara í taugarnar á henni þegar hann hafði orðið.
„Þetta er sama stefið í gegnum viðtalið, hún þolir ekki þegar Harry talar. Hún leit á hann með svo hvössu augnaráði og svo hræðilegum svip því hún vildi ekki að hann talaði, eða svo met ég það. Hann virðist týndur. Ég held að hann sé ekki á góðum stað.“
