Það er gríðarlegur munur á hvernig fullkomin sæðisfruma og léleg sæðisfruma hegða sér. Sérfræðingar segja að fullkomin sæðisfruma fari hratt yfir og stefni markvisst á lokatakmark sitt. DNA hennar er einnig mjög heilt og hún lítur eðlilega út. Það er að segja, það sést engin misfella á henni þegar hún er skoðuð í smásjá.
Léleg sæðisfruma fer hægt yfir og kemst ekki mikið áfram, fer frekar í hringi um sjálfa sig. En það er hægt að hressa upp á frammistöðu sæðisfrumna og hér veitum við fimm góð ráð um hvernig það er hægt.
- Ekki reykja. Rannsóknir hafa sýnt að reykingar, sérstaklega í stórum stíl, draga úr gæðum sæðis. Þetta á bæði við um tóbaksreykingar og hassreykingar.
- Takmarkaðu áfengisneysluna. Of mikil áfengisneysla getur skaðað sæðisfrumurnar og því er rétt að stilla áfengisneyslu í hóf ef halda á sundgörpunum sprækum.
- Hollt mataræði. Hollt og fjölbreytt mataræði, sem inniheldur ávexti og grænmeti, eykur almennt gæði sæðis.
- Hreyfing. Regluleg hreyfing hefur jákvæð áhrif á gæði sæðis. Rétt er að hafa í huga aðhreyfingí „of miklu magni“ getur haft neikvæð áhrif á gæði þess.
- Heitur pungur. Eistun eru utan líkamans af því að sæðisfrumurnar þrífast best við lægri hita en restin af líkamanum. Það er því rétt að forðast að fara í heitt bað, sána,sólbekki og að klæðast þröngum nærbuxum.
