Kastalinn var settur upp sem afþreying fyrir börn á meðan á íþróttakappleik stóð. Mörg börn voru í kastalanum þegar hann tókst á loft og duttu nokkur þeirra út úr honum áður en hann lenti.
Sky News segir að tvö börn hafi verið flutt með þyrlu á barnaspítala í Washington DC. Annað þeirra, 5 ára drengur frá La Plata, var úrskurðaður látinn síðar um kvöldið. Hitt barnið er ekki í lífshættu.
Vitni sögðu að kastalinn hafi verið festur við hæla sem höfðu verið lamdir ofan í jörðina.
