Leny Yoro, leikmaður Manchester United, verður ekkert með liðinu næstu þrjá mánuðina að minnsta kosti.
Frá þessu var greint seint í gærkvöldi en Yoro kom til United í sumar frá Lille í Frakklandi.
Yoro meiddist í æfingaleik með United á dögunum og þurfti í kjölfarið að fara í aðgerð.
Um er að ræða 18 ára gamlan strák sem kostaði um 55 milljónir punda og hefði mögulega byrjað fyrstu leiki enska stórliðsins.
Yoro verður ekki til taks fyrstu mánuðina en vonandi nær hann góðum batavegi og snýr aftur fyrr frekar en seinna.