Chelsea er búið að kaupa markmann í sumarglugganum en sá maður heitir Filip Jorgensen og kom frá Villarreal.
Hvort Jorgensen verði aðalmarkvörður Chelsea í vetur er óljóst en Robert Sanchez er einnig á mála hjá félaginu.
Samkvæmt blaðamanninum Sacha Tavolieri er Chelsea einnig að skoða það að kaupa ungan markmann sem ber heitið Mike Penders.
Um er að ræða 19 ára gamlan markmann sem er á mála hjá Genk í Belgíu og á að baki leiki fyrir aðalliðið.
Penders er tveir metrar á hæð en hann myndi kosta Chelsea um 20 milljónir evra í þessum glugga.
Penders yrði að öllum líkindum ekki aðalmarkvörður á komandi tímabili en hann er mjög efnilegur og var fyrirliði U19 landsliðs Belgíu í fyrra.