Jimmy Floyd Hasselbaink fyrrum sóknarmaður Chelsea segir að Eiður Smári Guðjohnsen fái ekki þá virðingu sem hann á skilið í sögu Chelsea, hann sé vanmetnasti leikmaður í sögu félagsins.
Hollenski framherjinn og Eiður Smári náðu frábærlega saman hjá Chelsea og segir Hasselbaink að Eiður sé besti samherji sem hann hafði á ferlinum,
„Við skrifuðum undir á sama degi,“ sagð Hasselbaink í viðtali hjá Ben Foster en hann og Eiður mætti til Chelsea sumarið 2000. Foster birti klippinu fyrir nokkrum dögum.
Hasselbaink er frá Hollandi og það hjálpi sambandi þeirra að Eiður talaði hollensku. „Hann spilaði fyrir PSV og talaði hollensku, Við náðum saman innan sem utan vallar um leið. Hann er vanmetnasti leikmaður í sögu Chelsea, hann er svo tæknilega góður. Hann skilur leikinn svo vel, hann er á réttum stöðum. Hann hefur aldrei fengið þá virðingu sem hann á skilið.“
Hann segir að hann og Eiður hafi aldrei æft saman til að læra á hvorn annan. „Við vissum alltaf hvar hinn yrði, ég vissi blindandi að hann myndi gera þetta og tók hlaupið. Við æfðum þetta ekkert, þetta var bara náttúrulegt. Við vorum alltaf svo glaðir þegar hinn skoraði.“
Ben Foster tók til máls og sagði hreint ótrúlegt hversu góða ensku Eiður talar. „Þetta er einhver besti enski hreimur sem ég hef heyrt, ótrúlegt,“ sagði Foster.