Eggert Gunnþór Jónsson mun þjálfa lið KFA út tímabilið í 2.deildinni en þetta var staðfest í dag.
KFA staðfestir fréttirnar sjálft en Mikael Nikulásson er hættur með liðið eins og greint var frá í morgun.
Kristján Óli Sigurðsson, góðvinur Mikaels, greindi frá því seint í gærkvöldi og tekur KFA nú undir þær sögur.
KFA hefur spilað ágætlega í 2. deildinni í sumar og er í fjórða sæti deildarinnar en hefur þó tapað þremur leikjum í röð.
KFA segir að um sameiginlega ákvörðun sé að ræða og mun Eggert sem er leikmaður liðsins sjá um að stýra liðinu út sumarið.