Samkvæmt fjölmiðlum á Ítalíu hefur Chelsea samþykkt tilboð frá Aston Villa í framherjann öfluga, Romelu Lukaku.
Lukaku er ekki í plönum Chelsea en Napoli á Ítalíu vill fá hann.
Þrátt fyrir að búið sé að taka tilboði Aston Villa er Lukaku ekkert sérstaklega spenntur fyrir því að fara þangað.
Samkvæmt fréttum ætlar hann að bíða eftir tilboði Napoli en Aston Villa er á leið í Meistaradeildina.
Chelsea er sagt ýta á Lukaku að fara í viðræður við Aston Villa en óvíst er hvort Belginn hafi einhvern áhuga á því.