Valur er með færri stig en á sama tíma í fyrra í Bestu deild karla, stjörnuprýtt lið Vals hefur hikstað á köflum á þessari leiktíð.

Valur situr í þriðja sæti deildarinnar með 28 stig en á sama tíma í fyrra var Valur með 32 stig. Valur er átta stigum á eftir toppliði Víkings en á leik til góða.

Valur hefur spilað 15 leiki og skorað í þeim 37 mörk sem er sami fjöldi og í fyrstu 15 leikjunum í fyrra, Valur hefur fengið á sig 22 mörk í þessum leikjum sem er átta mörkum meira en á sama tíma í fyrra.

Breiðablik er með 30 stig eftir 15 leiki á þessu tímabili sem er tveimur stigum meira en á sama tíma í fyrra. Þrátt fyrir að hafa fengið gagnrýni hefur Halldóri Árnasyni tekist að bæta stigasöfnun Breiðabliks í deildinni.

Víkingur hefur spilað 16 leiki í deildinni í ár og er með 35 stig sem er sex stigum minna en á sama tíma í fyrra.

Víkingur er á toppi deildarinnar þegar endaspretturinn í venjulegu móti er að fara af stað en ljóst er að titilbaráttan gæti orðið spennandi.