Að minnsta kosti 12 manns létust lífið, þar af nokkur börn, þegar eldflaugaárás var gerð á þorpið Majdal Shams á landnemabyggðum Gólanhæða í Ísrael í gær. Þá særðust tæplega 30 einstaklingar. Mikil hætta er talin á að árásin geti kveikt undir frekari átökum milli Ísraels og Líbanon. Ísraelar hafa skellt skuldinni á líbönsku Hezbollah-samtökin sem harðneita sök á þessari tilteknu árás.
Að sögn Ísraela er um að ræða mannskæðustu árás á Ísrael síðan fjöldamorð Hamas-samtakanna þann 7. október síðastliðinn.
Ísraelsher svaraði árásinni þegar í stað með því að gera loftárásir á valin skotmörk í Líbanon.Þá hefur Benjamin Netanyahu, forsætisráðherra landsins, heitið grimmilegum hefndum vegna árásarinnar.
Undanfarna 10 mánuði hafa nánast linnulausar skærur verið á milli landamæra Ísraels og Líbanons. Harka verður að færast í átökin og meira að segja óttuðust menn að stríðsátök væru að breiðast út fyrir árásirnar í gær.