Vinir stórstjörnunnar Kieran Trippier hafa áhyggjur af hjónabandi leikmannsins að sögn enskra fjölmiðla.
Trippier er leikmaður Newcastle á Englandi en hann gæti verið á leið til Sádi Arabíu í sumarglugganum.
Hjónaband Trippier og eiginkonu hans, Charlotte, hefur hangið á bláþræði í dágóðan tíma og er útlitið nú verra en áður.
Trippier er í sumarfríi eftir að hafa spilað með enska landsliðinu á EM í sumar en hann er staddur í Tyrklandi.
Charlotte ferðaðist hins vegar ekki með eiginmanninum en hún er stödd í Grikklandi og ákvað að taka sitt eigið sumarfrí.
Charlotte birti myndir af sér í sumarfríinu í Grikklandi en á sama tíma sást Trippier í Tyrklandi sem þykir vera mikið áhyggjuefni.
Vinir Trippier óttast að hjónabandið sé komið á endastöð en þau hafa verið saman í mörg ár.