Theodór Elmar Bjarnason er ekki með slitið krossband en hann staðfestir þessar fregnir í samtali við Vísi.
Elmar eins og hann er yfirleitt kallaður meiddist á æfingu í vikunni og var óttast það versta.
Um var að ræða hnémeiðsli en sem betur fer er miðjumaðurinn ekki með slitið krossband og verður frá í um sex vikur.
Þessi fyrrum landsliðsmaður gæti því náð síðustu leikjum KR í Bestu deildinni í sumar sem er léttir fyrir þá svarthvítu.
Elmar er 37 ára gamall og er fyrrum atvinnumaður en hann spilar stórt hlutverk hjá KR sem er í fallbaráttu þessa stundina.