Arne Slot, stjóri Liverpool, býst við því að félagið muni styrkja sig í sumar en getur þó ekki staðfest neitt að svo stöddu.
Slot tók við Liverpool í sumar en hann hafði gert góða hluti með Feyenoord í Hollandi fyrir það.
Liverpool hefur ekki verið áberandi á markaðnum í sumar en Slot er að vonast eftir því að fá fersk andlit inn fyrir komandi tímabil.
,,Ef það er eitthvað að frétta af þeim málum þá munum við heyra í ykkur,“ sagði Slot á blaðamannafundi.
,,Við erum nú þegar með mjög góðan hóp af leikmönnum og ég er ánægður með hann. Það kæmi mér þó á óvart ef við fáum ekki neina leikmenn inn í sumar.“
,,Það mun líklega gerast á endanum. Eins og er þá erum við bara að bíða eftir leikmönnum sem munu snúa aftur til æfinga.“