Manchester United mun missa af undrabarninu Joao Neves í sumar en frá þessu greinir Fabrizio Romano.
Romano er einn virtasti blaðamaður knattspyrnunnar en hann er með ansi áreiðanlega heimildarmenn.
Romano segir að Neves sé að öllum líkindum á leið til Paris Saint-Germain en um er að ræða 19 ára gamlan miðjumann.
Samkvæmt Romano er PSG búið að bjóða Benfica 70 milljónir evra fyrir Neves og verður því tilboði tekið.
Renato Sanches gæti farið í hina áttina en hann er fyrrum leikmaður Benfica og þekkir vel til félagsins.