Cabello, 27 ára, var mynduð á leiðinni í ræktina. Hún var klædd í stuttbuxur, síðerma bol og með heyrnartól.
Hún var með hárið í úfnum snúð og ómáluð, hún leit út eins og hver önnur kona á leiðinni í ræktina.
Camila Cabello is seen in Miami. pic.twitter.com/6MyhDDSKyA
— 21 (@21metgala) July 20, 2024
Vinsæl síða á X, áður Twitter, birti myndirnar og er óhætt að segja að viðbrögð netverja hafi verið hreint út sagt fáránleg. Þar var söngkonan harðlega gagnrýnd fyrir að hafa ekki „gert sig til“ fyrir ræktina, fyrir að vera ómáluð og var sögð þurfa hárbursta að halda.
Sem betur fer komu margir söngkonunni til varnar og hefur gagnrýnin hrint af stað umræðu um konur í sviðsljósinu. Það er eins og þær geti ekki gert neitt rétt. Annað hvort eru þær „of fullkomnar og uppgerðar“ og eru að viðhalda óraunhæfum fegurðarstöðlum eða þær eru ekki nógu glæsilegar og „of venjulegar“.
Söngkonan virðist ekkert láta þetta á sig fá og hefur verið dugleg að birta myndir og myndbönd af sér í ræktinni að taka vel á því.
Camila at the gym in Miami today. pic.twitter.com/vOvFpoVxTN
— Camila Cabello Worldwide (@WWCamilaCabello) July 19, 2024