Arsenal gæti verið að jafna eigið félagsmet en liðið er í viðræðum við Fulham um fyrrum undrabarnið Emile Smith-Rowe.
Smith-Rowe átti að verða einn af framtíðarleikmönnum Arsenal en hefur aðeins byrjað þrjá úrvalsdeildarleiki síðan í ágúst 2022.
Ljóst er að framtíð hans liggur annars staðar en Arsenal vill fá 35 milljónir punda fyrir þennan ágæta miðjumann.
Það gæti gert Englendinginn að dýrustu sölu Arsenal í sögunni en hann myndi deila því meti með Alex-Oxlade Chamberlain sem fór til Liverpool á sínum tíma.
Athletic greinir frá en leikmaðurinn sjálfur hefur náð samkomulagi við Fulham og er líklega á leið til félagsins.
Meiðsli hafa sett strik í reikning Smith-Rowe sem var einnig orðaður við Crystal Palace.
