Inter gerði hlé á tilraunum sínum til að fá Albert Guðmundsson frá Genoa vegna máls á hendur honum.
Ítalska blaðið Gazzetta dello Sport segir frá, en Fótbolti.net vakti fyrst athygli á þessu hér heima.
Albert átti stórkostlegt tímabil með Genoa og hefur verið orðaður við stórlið í sumar, þar á meðal Inter.
Inter horfir enn til hans og er hann fyrsti kostur félagsins í framlínuna, en það vill bíða og sjá hvernig mál hans fer ef marka má fréttir að utan.
Mál Alberts, sem sakaður er um kynferðisbrot hér á landi síðasta sumar, var þingfest fyrir Héraðsdómi Reykjavíkur í byrjun júlí en fyrirtaka í málinu verður í lok ágúst.