Það er útlit fyrir að Alphonso Davies þurfi að bíða í ár til viðbótar eftir að komast til Real Madrid, en félagið hefur framlengt samning Ferland Mendy, sem er vinstri bakvörður líkt og Davies.

Marca segir frá þessu, en ekki er talið líklegt að Real Madrid kaupi Davies eftir að hafa framlengt við Mendy, sem átti aðeins ár eftir af samningi sínum.

Davies á einmitt aðeins ár eftir af samningi sínum við Bayern Munchen og mun Real Madrid sennilega reyna að fá hann frítt næsta sumar.

Kanadamaðurinn hefur ekki viljað framlengja við Bayern þar sem félagið hefur hingað til ekki viljað mæta launakröfum hans.