Enzo Maresca, stjóri Chelsea, hefur loksins tjáð sig eftir myndbandið umtalaða sem leikmaður liðsins, Enzo Fernandez, birti í sumar.
Fernandez og aðrir leikmenn Argentínu sungu rasíska söngva í garð leikmanna franska landsliðsins og er framtíð hans óljós.
Fernandez hefur sjálfur beðist afsökunar á hegðun sinni en það var hann sem birti myndbandið opinberlega.
Maresca tók við Chelsea í sumar en hann hefur nú tjáð sig um atvikið í fyrsta sinn.
,,Leikmaðurinn hefur gefið út yfirlýsingu og baðst afsökunar – félagið gerði slíkt hið sama,“ sagði Maresca.
,,Ég held að það sé ekki mikið meira til að ræða í þessu umræðuefni, það er búið að útkljá þetta mál.“