Manchester United er ekki nálægt verðmiða Bayern Munchen á miðverðinum Matthijs de Ligt. Sky í Þýskalandi segir frá þessu.
Rauðu djöflarnir hafa mikinn áhuga á Hollendingnum, sem er falur fyrir rétt verð. Bayern vill 50 milljónir evra en tilboð United hingað til hafa ekki einu sinni verið nálægt 40 milljónum evra, eftir því sem fram kemur í fréttum frá Þýskalandi.
De Ligt yrði annar miðvörðurinn sem United fengi til sín í sumar, en Leny Yoro var keyptur frá Lille á dögunum.
Það virðist vera nóg að gera á skrifstofu United, sem einnig hefur fengið til sín sóknarmanninn Joshua Zirkzee frá Bologna.