Vefsíðan Capology er á fullu þessa daganna við að taka saman laun í helstu deildum heims. Nú er komið að ensku úrvalsdeildinni.

Það kemur kannski fáum á óvart að Manchester City er áberandi á listanum yfir þá tíu launahæstu. Leikmenn þeirra, verma tvö efstu sætin og á félagið fjóra í heild.

Nokkur athyglisverð nöfn eru á listanum, til að mynda Romelu Lukaky. Framherjinn er enn í eigu Chelsea en hefur verið lánaður út undanfarin ár.

Þá kemur einhverjum á óvart að samkvæmt Capology er Kai Havertz launahæsti leikmaður Arsenal, en hann er eini leikmaður Skyttanna á listanum.

Launahæstu leikmenn ensku úrvalsdeildarinnar
1. Kevin de Bruyne – Manchester City – 20,8 milljónir punda
2. Erling Braut Haaland – Manchester City – 19,5 milljónir punda
3-4. Mohamed Salah – Liverpool – 18,2 milljónir punda
3-4. Casemiro – Manchester United – 18,2 milljónir punda
5-6. Raheem Sterling – Chelsea – 16,9 milljónir punda
5-6. Romelu Lukaku – Chelsea 16,9 milljónir punda
7-9. Jack Grealish – Manchester City – 15,6 milljónir punda
7-9. Bernardo Silva – Manchester City – 15,6 milljónir punda
7-9. Marcus Rashford – Manchester United – 15,6 milljónir punda
10. Kai Havertz – Arsenal – 14,56 milljónir punda

Meira
Þetta eru tíu launahæstu mennirnir í Sádí – Ronaldo þénar tvöfalt meira en næsti maður