Kieran Trippier er líklega á förum frá Newcastle og það er áhugi frá Sádi-Arabíu. Þetta segir staðarmiðillinn Northern Echo.
Bakvörðurinn hefur verið hjá Newcastle síðan 2022 og er með launahærri leikmönnum félagsins. Það myndi búa til mikið pláss í bókhaldinu að selja Trippier, en samningur hans gildir út komandi leiktíð.
Samkvæmt nýjustu fréttum hafa tvö félög í Sádí mikinn áhuga á Trippier. Ljóst er að hann myndi hækka vel í launum með því að fara þangað.
Trippier er nýkominn af Evrópumótinu með enska landsliðinu, þar sem liðið fór alla leið í úrslitaleikinn en tapaði þar.