David De Gea er með nokkur tilboð á borðinu, en hann er enn frjáls ferða sinna eftir að hafa yfirgefið Manchester United eftir þarsíðasta tímabil.
Hinn 33 ára gamli De Gea fann sér ekki lið á síðustu leiktíð en markvörðurinn skoðar nú stöðu sína.
Á dögunum gaf hann í skyn að einhverra frétta væri að vænta þegar hann setti mynd af stundarglasi á X (áður Twitter).
The Athletic segir De Gea með möguleika á borðinu frá Sádi-Arabíu, Bandaríkjunum, Ítalíu og Englandi. Hann ku þó útiloka það að snúa aftur til Englands eftir 12 ára dvöl hjá United.