Nú þegar um mánuður er í að úrvalsdeild Sádi-Arabíu hefjist á ný er vefsíðan Capology búin að birta lista yfir þá sem þéna mest í deildinni.
Eins og flestir vita er deildin stjörnum prýdd. Fjöldi leikmanna hefur haldið þangað undanfarin ár, en það má segja að Cristiano Ronaldo hafi komið því af stað með því að ganga í raðir Al-Nassr.
Ronaldo er einmitt langlaunahæsti leikmaður deildarinnar með um 200 milljónir evra á ári.
Hann er með tvöfalt hærri laun en næstu menn, þeir Karim Benzema og Neymar.
Tíu launahæstu leikmenn sádiarabísku deildarinnar (árslaun)
1. Cristiano Ronaldo – Al Nassr – 200 miljónir evra
2. Karim Benzema – Al Ittihad – 100 milljónir evra
3. Neymar – Al Hilal – 100 milljónir evra
4. Riyad Mahrez – 52,5 milljónir evra
5. Sadio Mane – Al Nassr – 40 milljónir evra
6. Kalidou Koulibaly – Al Hilal – 34,7 milljónir evra
7. Aleksandar Mitrovic – Al Hilal – 25 milljónir evra
8. Sergej Milinkovic-Savic – Al Hilal – 25 milljónir evra
9. N’Golo Kante – Al Ittihad – 25 milljónir evra
10. Aymeric Laporte – Al Nassr – 24,5 milljónir evra