Það eru litlar sem engar líkur á að sóknarmaðurinn umdeildi Antony sé á förum frá Manchester United í sumar.

Þetta segir umboðsmaður leikmannsins, Junior Pedroso, en Antony hefur verið orðaður við brottför.

United er talið vera til í að lána Brasilíumanninn annað ef eitthvað félag er til í að borga 70 þúsund pund á viku í laun.

Pedroso segir að það séu kjaftasögur og að Antony hafi aðeins áhuga á að leika fyrir United í vetur.

,,Ég hef séð fréttir um að hann sé að fara á láni en hans markmið eru skýr: Manchester United, hann vill vera áfram,“ sagði Pedroso.

,,Hann einbeitir sér aðeins að Manchester United og við höfum rætt það við félagið.“